Under kveldens årsmøte vart det kasta litt ekstra glans over (og gjort stas på) vår tidlegare klubbmekanikar, Jan Roar

Spøk til side. Dei fleste kjenner nok Jan Roar som dagleg leiar i klubben, trenar, stemneansvarleg og dommar. Han har vore tillitsvald, instruktør, funksjonær og organisator. Og på Rudolfskytinga vår faste nisse

Og det har han vore ei årrekkje. Og frå og med i kveld, er han æresmedlem i klubben  Det er deg vel fortent, Jan Roar

Dei første spede teikn til Jan Roar finn ein frå referat frå rundt årtusenskiftet. Og det er her klubbmekanikar kjem inn. For det var tittelen i årsmøtereferatet.

Sidan 2003 var han fast styremedlem, og frå 2006 tok han over som leiar. Eit verv han i kveld fekk fornya tillit til å halde fram med.

Vi i, og rundt klubben, er veldig glade for det. Jan Roar si vide kontaktflate og gode kontakter sentralt i forbundet har vist seg svært verdifullt.

Det står respekt av jobbe Jan Roar legg ned Så vil vi også nytte høvet til å takke for innsatsen, men også samstundes sjå fram til framhaldet

Overrekkinga av både blome og diplom var det Victoria, Oda og Terje som stod for. Dei held også fram i styret, og får med seg både Roy Helge og Oddleif på laget det komande året.

(Denne artikkelen vart opprinneleg publisert på Facebook 11. mars 2026)